Тод Санхүү Бизнесийн Академи нь 2013 онд “Нягтлан бодох бүртгэлийн зөвлөх үйлчилгээний төв” нэртэйгээр үйл ажиллагаагаа эхлүүлсэн. Байгуулагдсан цагаасаа эхлэн нягтлан бодох бүртгэлийн салбарын хүний нөөцийг бэлтгэх, мэргэжилтнүүдийн ур чадварыг хөгжүүлэх, онол ба практикийг хослуулсан сургалтын тогтолцоог бий болгох зорилготой ажиллаж ирсэн.
Үйл ажиллагааныхаа цар хүрээг тасралтгүй өргөжүүлсний үр дүнд 2018 онд өргөжин хөгжиж, өнөөдөр Тод Санхүү Бизнесийн Академи нэрийн дор мэргэжлийн боловсрол, сургалтын үйл ажиллагаагаа амжилттай хэрэгжүүлж байна.
Академи нь нягтлан бодох бүртгэл, санхүүгийн боловсролын чиглэлээр бакалаврын мэргэжил олгох, мэргэшүүлэх болон анхан шатны сургалтын хөтөлбөрүүдийг хэрэгжүүлж, суралцагчдад онолын мэдлэгийг бодит практиктай хослуулан эзэмшүүлэхийг эрхэмлэдэг.
Бид зөвхөн мэдлэг олгохоос гадна хөдөлмөрийн зах зээлийн хэрэгцээнд нийцсэн, ажлын байранд шууд ажиллах чадвартай мэргэжилтэн бэлтгэхэд онцгой анхаарч ажилладаг. Энэ зорилгын хүрээнд аудит, татвар, санхүүгийн зөвлөх үйлчилгээ, бизнесийн байгууллагуудтай урт хугацааны хамтын ажиллагааг хөгжүүлж, суралцагчдад бодит ажлын туршлага хуримтлуулах боломжийг бүрдүүлдэг.
Өнөөдөр Тод Санхүү Бизнесийн Академи нь салбарын туршлагатай багш, зөвлөхүүдийн бүрэлдэхүүнтэйгээр чанартай боловсрол, практик сургалт, мэргэжлийн хөгжлийг нэг дор хослуулсан сургалтын байгууллага болон хөгжсөөр байна.